比寧咸細佬成「英冠身價王」　曼聯阿仙奴搶人

皇馬中場祖迪比寧咸已晉身頂級球星之列，佢嘅胞弟祖比比寧咸現時效力英冠球隊新特蘭，亦有神勇演出，估計身價已升至1,800萬鎊(約1.75億港元)，成為英冠最高身價球員之一，並吸引兩大英超豪門曼聯及阿仙奴爭奪。

現年19歲嘅祖比比寧咸2023年由伯明翰轉投新特蘭，上季踢45場聯賽入7球及1次助攻，今季表現更出色，21次上陣已入4球及3次助攻，並晉身英格蘭U21小國腳。加上有哥哥祖迪比寧咸大爆發嘅先列，「祖比仔」因而被譽為當今英格蘭球壇最具潛力新星之一，曼聯及阿仙奴一直關注佢表現，計劃夏天出手收購祖比比寧咸。

據悉新特蘭將祖比比寧咸標價為1,800萬鎊，英冠球員之中屬於「天價」，如果佢繼續有出色表現，引來更多豪門搶人，相信身價將會水漲船高。