【官宣】科芬拿回流法甲　加盟雷恩

沙特阿拉伯球會近年瘋狂向歐洲球會挖角，不過亦有球員想「辭官歸故里」，法甲球會雷恩周四(2日)宣布，成功羅致艾納斯中場施高科芬拿，雙方簽約4年半至2029年。

科特迪瓦中場施高科芬拿之前喺朗斯成名，2023年高價過檔艾納斯，同C朗拿度等球星做隊友，不過佢喺沙特表現一般，上半季更被外借去另一沙特球會伊蒂法克。

29歲嘅施高科芬拿今次回流法甲後表示：「好開心新一年效力雷恩，呢支球隊有好多出色球員，唔應該排喺依家嘅位置(第12位)，慶幸嚟緊有好多比賽去展示我哋嘅潛力。」