黑開有條路　拉舒福特投資公司被除名

拉舒福特近期遭曼聯踢出大軍名單，但黑開有條路，據報其投資公司亦收到公司註冊處除名通知，無論場內場外都好唔順利。

拉舒福特在曼聯成名，佢名下開設投資公司，但近日收到除名通知，公司註冊處表示，除非有特別理由，否則公司會在兩個月內被除名，一般估計係「福仔」做事太漏氣，可能由於遲交文件先搞成咁。

不過「福仔」近日處理曼聯嘅是非已經夠晒煩，佢喺個人社交平台以28個字回應佢離隊傳聞，直指係「荒謬同虛假」，強調自己從未與任何轉會機構見面，亦冇任何離隊計劃。

拉舒福特已經連續5場缺陣曼聯，上場對紐卡素雖然重返大軍名單，但未有上陣。