有驚喜！熱刺計劃借用基亞利殊

熱刺今季成績令人失望，為振興球隊下半季成績，據報佢哋冬季轉會窗全力增兵，盛傳熱刺正打曼城中場基亞利殊主意，希望可以借用呢位29歲球星。

英國《每日郵報》報道，基亞利殊今季表現低迷，曼城已計劃搵新兵取代佢嘅位置，尤其深得哥迪奧拿重用嘅新星奧斯卡波比有望月底復出，放走基亞利殊影響唔算太大，熱刺同紐卡素都虎視眈眈。

報道指熱刺打算效法阿仙奴借用史達寧方式，向曼城借用基亞利殊至季尾，並會負擔佢30萬鎊周薪嘅部份人工，但交易前提係曼城要先搵到合適代替者。

前維拉球星軒祖日前表示：「基亞利殊去曼城唔可以話唔成功，佢拎好多冠軍，但以個人發展嚟講，佢需要轉會去重新搵番踢波樂趣，基亞利殊對任何球會都會係寶貴財產。」