金球獎唔公平？洛迪大反擊寸爆C朗

上年金球獎選舉引起唔少爭議，曼城中場洛迪卡斯簡迪壓倒雲尼斯奧斯祖利亞得獎，連C朗拿度都話「唔公平」。洛迪日前接受西班牙《阿斯報》訪問，就向C朗進行大反擊，寸爆C朗雙重標準。

C朗早前喺「杜拜環球頒獎禮」拎最佳球員後，曾批評金球獎結果：「我嘅意見好清楚，雲尼斯奧斯應該得獎，結果唔公平，環球頒獎禮更加『誠實』。」

對於受到C朗質疑，養緊傷嘅洛迪日前大反擊：「我好驚訝，C朗應該比任何人更清楚金球獎點玩、冠軍點樣評選，今屆投票嘅記者決定我贏出，而呢班記者好可能喺某一屆投票畀C朗得獎，我諗佢當時應該冇覺得唔公平。」C朗曾經5奪金球獎，對上一次係2017年。