英媒獻計　曼聯應該簽入麥比奧莫

曼聯遭受4連敗，近3仗更加冇波入，鋒線球員腳頭無靈，英國《曼徹斯特晚報》獻計，認為紅魔鬼必須趁1月轉會市場重開簽入前鋒，並推薦收購賓福特射手麥比奧莫。

《曼徹斯特晚報》之所以建議曼聯簽入麥比奧莫，首先呢位25歲喀麥隆國腳入球能力強，今季踢19場聯賽已有11球進帳。第二，麥比奧莫司職翼鋒，非常適合曼聯主帥魯賓艾摩廉嘅343陣式，特別係拉舒福特已被棄用，阿歷真度加拿祖狀態低迷，簽入麥比奧莫正好可以填補翼鋒位置。

第三，估計麥比奧莫身價為4,000萬鎊(約3.85億港元)，並非特別昂貴，曼聯準備出售拉舒福特、卡斯米路，獲得嘅轉會費收入，足以抵銷買麥比奧莫嘅支出。