迪比利補時絕殺　PSG奪法超盃冠軍

周一(6日)凌晨喺卡塔爾上演嘅法超盃，巴黎聖日耳門(PSG)憑奧士文尼迪比利補時「絕殺」，1比0擊敗摩納哥奪冠，歷史性第13次贏得呢項賽事冠軍，亦實現法超盃3連霸。

PSG今場採取主動，不過一直入唔到波，直到補時2分鐘，法比安彭拿左路傳中，奧士文尼迪比利遠柱接應射入，呢球亦係2013年8月之後，法超盃出現嘅「最遲入波」。

PSG教練安歷基賽後表示：「捧盃永遠都係快樂嘅泉源，用呢個方式展開2025年可以畀到球員信心，球員今場不斷進攻、不斷跑動、不斷防守，我哋要喺呢個基礎上繼續進步。」