【官宣】熱刺觸發孫興民續約條款　續約1年

熱刺官方宣布，與隊長孫興民續約1年，合約至2026年夏天。據報熱刺以觸發續約條款方式，同孫興民續約1年，因為原定「孫仔」今夏約滿，巴塞隆拿及曼聯都對佢表示興趣。

熱刺在官網特別隆重其事，詳細回顧孫興民加盟經過及過去10年表現，形容孫興民係世界級巨星，亦係熱刺巨星。

32歲嘅孫興民在熱刺上陣431場，是熱刺歷史上第11位，攻入169球，排熱刺歷史第4位，68次助攻更是熱刺歷史上第1位。

過去一段時間，曼聯及巴塞隆拿均對孫興民表示興趣，報道指該兩隊等待孫興民今夏約滿，回復自由身之後免轉會費斟介，熱刺觸發續約條款後，對孫興民有興趣嘅球會就要再等1年，或者提出轉會費收購，其身價估計為3,800萬歐元（約3億港元）。