【官宣】樸達出任韋斯咸新帥　簽約2年半

韋斯咸官方宣布，樸達出任球隊新任主帥，接替盧比迪古，簽約2年半，並會立即上任，英足盃對阿士東維拉一仗在前線督師。

49歲嘅樸達自2023年4月遭車路士辭退後，一直未有新工作，休息超過年半後終於再度出山，當年佢執教白禮頓表現出色，但轉投巨型班車路士就唔掂，現在帶領同屬中型班嘅韋斯咸，相信會適合佢發揮。

樸達接受官網訪問時表示：「好高興嚟到呢度。 對我嚟講，等待一個適合自己嘅工作機會非常重要，同時要確保自己能夠適合， 我喺韋斯咸就搵到呢種感覺。」

巧合嘅係，當日在車路士被炒魷，最後一場就係對阿士東維拉，今次重執教鞭，第1場對手又係維拉，如果今場地標戰贏波復仇，咁就完美喇。