【官宣】摩納哥簽丹麥前鋒　組「阿記鋒線」

法甲勁旅摩納哥周六(11日)宣布，成功由奧地利球會格拉茨簽入丹麥前鋒米卡比亞利夫，據報轉會費為1,500萬歐元。比亞利夫將會取代重傷嘅科拿連巴洛根，有趣嘅係兩人之前曾經喺阿仙奴青年軍做拍檔，將來有機會組成「阿仙奴鋒線」。

21歲嘅比亞利夫喺2022至24年間，為阿仙奴青年軍效力，但從未喺一隊上陣，上季轉投格拉茨後表現出色，今季16場聯賽入11球排奧地利射手榜榜首，吸引到摩納哥用1,500萬歐元將佢收購，雙方簽約5年。

比亞利夫同巴洛根喺22/23球季做隊友，合作1季後巴洛根就高價轉投摩納哥，不過呢位美國國腳早前做手術，最快要到4月先復出，比亞利夫依家就要頂替佢嘅位置。