坦哈格頻繁現身德甲　盛傳接手多蒙特

坦哈格離開曼聯後，最近頻頻喺德甲賽場現身，觀看多蒙特比賽，坦哈格同多蒙特顧問森馬有交情，據報多蒙特有可能換帥，紐尼沙軒瀕臨被炒，坦哈格隨時準備接手。

德國及西班牙傳媒報道，坦哈格去年10月被曼聯辭退後，已經火速同多蒙特聯繫，而近期坦哈格更頻頻現身多蒙特賽事，包括前仗主場對利華古遜，多蒙特近2場全部輸晒，並傳出該隊準備換帥消息。

多蒙特現時排第10，爭標機會渺茫，不過距離前4名只差5分，仲有得追，而且球隊嚟緊仲要應付歐聯，今季仲有嘢爭，所以如果現階段換帥，仲可以爭到好成績。