利物浦斟般茅左閘　接班羅拔臣

利物浦近日鎖定安德魯羅拔臣接班人選，就係般尼茅夫匈牙利左閘米路斯卻基斯，據報該球員都屬意加盟利物浦，雙方情投意合，般茅表態指只要轉會費到價就放人，估計金額為5,000萬鎊(約4.75億港元)。

傳媒報道指，利物浦斟介卻基斯嘅關鍵人物，正是紅軍體育總監李察曉士，卻基斯就係由佢一手發掘，帶到英格蘭發展，卻基斯亦飲水思源，願意為李察曉士效力。

不過問題係般尼茅夫暫時無意出售球員，球隊亦並無財務壓力，因此可以吊高嚟賣，只要出現大約5,000萬鎊報價，佢哋就會放人。