經理人接觸巴塞　拉舒福特轉戰西甲好事近

曼聯前鋒拉舒福特已經超過1個月未上陣，今個月離隊機會愈來愈大，根據英國《太陽報》爆料，呢位27歲英格蘭國腳嘅經理人團隊已經接觸巴塞隆拿管理層，希望促成「福仔」加盟呢支西甲勁旅。

據悉有多支歐洲球隊希望簽入拉舒福特，巴塞隆拿近日亦加入爭奪，總監迪高已經同「福仔」嘅經理人團隊見面，討論加盟可能性。不過，巴塞隆拿因為財政問題，要為新兵註冊有困難，如果簽入拉舒福特，就要先放走部分現有球員，最大機會出售前鋒安素法迪及後衞艾利加西亞，拉舒福特能否加盟巴塞仍然存在變數。

德甲球隊多蒙特亦有興趣簽入拉舒福特，至於早前傳出想借用「福仔」嘅AC米蘭已經放棄，轉為力爭簽入曼城右後衞基爾獲加。