咁都得？拜仁簽入德乙門將做紐亞接班人

德甲榜首勁旅拜仁慕尼黑正式宣布簽入德乙球隊科隆門將烏比治，估計轉會費為1,000萬歐元(約8,140萬港元)，雙方簽約至2029年6月。已年屆38歲嘅拜仁正選門將紐亞願意讓出更多上陣時間畀呢位新星，似乎有心栽培佢做接班人。

身高1米89嘅烏比治屬於科隆青訓球員，今季為科隆上陣11場，有2場保持不失球，表現只屬一般，但卻獲得拜仁垂青，令人大感意外。根據德國傳媒報道，紐亞一早已經知道會方將簽入烏比治，並且非常支持，甚至願意逐步讓出更上陣時間畀呢位德國U21小國腳。

拜仁慕尼黑周六(2月1日)晚德甲主場對基爾，烏比治將會入選大軍名單，暫時擔任後備。