蒙特雷召喚　拉莫斯轉戰墨超？

38歲嘅沙治奧拉莫斯去年夏天離開西維爾後，一直未有班落，但佢仲未宣布掛靴，每當有球隊需要後防大將，好多人都會諗起佢，據報墨超勁旅蒙特雷近日同佢建立聯繫，希望邀請拉莫斯空降墨超。

蒙特雷係墨超爭標分子，不過今季成績一般，現時僅排第6，防線失球數字高企，主帥迪米捷利斯表示：「我哋需要一位後防大將，堵塞漏洞，大家想像到沙治奧拉莫斯降臨墨超會點？希望可以成真。」

沙治奧拉莫斯現時屬自由身，今季不時有佢復出消息，包括祖雲達斯同皇家馬德里，都曾經傳過佢會加盟，不過最終未有成事，其中皇馬會長皮里茲婉拒拉莫斯回巢，如果今次轉戰墨超，勢必引發一番哄動。