阿仙奴簽屈堅斯失敗　華荷域成最後希望

阿仙奴急需要簽入前鋒，但物色球員過程之中，處處碰壁，近日曾提出收購阿士東維拉射手奧尼屈堅斯，但已被拒絕，惟有轉移目標，祖雲達斯前鋒杜辛華荷域成為兵工廠冬季最後「增鋒」希望。

阿仙奴領隊阿迪達對於簽入前鋒志在必得，佢話：「我哋會嘗試一切方法簽人，至於是否收購奧尼屈堅斯，我唔會指定要簽邊個球員，總之會盡力解決前鋒位置問題，儘管睇下轉會市場仲有冇合適人選。」阿士東維拉主帥艾美利斬釘截鐵，講明奧尼屈堅斯已決定留隊，暗示阿迪達可以死咗條心。

歐洲5大聯賽冬季市場將於當地時間2月3日關閉，阿仙奴增兵時間已無多，現時最有可能簽入杜辛華荷域，因為祖雲達斯早前借入巴黎聖日耳門前鋒高路梅安尼，上輪意甲對拿玻里，立即取代杜辛華荷域嘅正選位置，並且入波，令呢位塞爾維亞國腳重要性大減，祖記有可能出售或者外借佢，阿仙奴正好趁機接貨。