車路士前鋒荒！尼高拉斯積遜受傷抖到4月

車路士季初坐擁超豪華鋒線，估唔到依家竟然鬧前鋒荒！據英國傳媒報道，車路士首席前鋒尼高拉斯積遜大腿筋傷患嚴重，最快要到4月先可以復出，對球隊爭逐前4造成重大打擊。

尼高拉斯積遜上場英足盃因傷缺陣，當時領隊馬利斯卡話「唔係大問題」，不過周三(12日)進行詳細檢查後，發現傷患比預期嚴重，要休息至少6個星期，估計4月份先可以復出。

翼鋒梅迪歷因禁藥問題停賽、祖奧菲歷斯已離隊，另一箭頭馬克基奧亦受傷，車路士將要推尼干古或高爾彭馬客串前鋒。上場英足盃車仔用尼干古做箭頭，但效果麻麻，呢位法國前鋒今季只有2個英超入球。