阿仙奴冇晒計　增兵名單有36歲迪哥

阿仙奴近日出現前鋒荒，據報佢哋增兵名單出現1位熟悉名字，就係36歲嘅迪亞高哥斯達，據報阿仙奴高層已經同「迪哥」取得聯絡，隨時可以談判。

36歲嘅「迪哥」前年離開狼隊後，近兩年喺巴甲落班，先後效力保地花高同甘美奧，去年底同甘美奧約滿後回復自由身，但仲未掛靴。

「迪哥」其實幾有捧盃命，車路士同馬體會最近兩次贏聯賽冠軍，佢都喺隊中，即使上季喺甘美奧，亦幫球隊贏得一項州聯賽冠軍，可以話係捧盃吉祥物。

據報阿仙奴高層對於「迪哥」嘅能力非常認同，如果簽到佢，亦可一解前鋒人員短缺嘅燃眉之急。