歐聯16強抽籤　利物浦撞PSG　仲有兩場打吡

歐聯16強周五(21日)抽籤，聯賽階段首名出線嘅利物浦，結果抽到巴黎聖日耳門，而另兩英超球隊阿士東維拉同阿仙奴都同處上線，同時又出現兩場打吡，分別係皇家馬德里對馬德里體育會嘅馬德里打吡，同埋拜仁慕尼黑對利華古遜嘅德甲打吡。

抽籤由拜仁名宿艾爾巴主持，佢嘅工作好簡單，在每個容器內2選1，就得出16強對賽結果。聯賽階段排1、2名嘅利物浦同巴塞隆拿，抽籤後命運差天共地，利物浦唔好彩抽中巴黎聖日耳門，必有惡鬥，而巴塞對手係賓菲加，即使再進一步，8強對手亦只係里爾或多蒙特嘅勝方，相對易踢得多。

另兩支英超隊，阿士東維拉抽到布魯日，阿仙奴就對燕豪芬，入8強機會同樣向好，而3支英超隊同處上線，利物浦如晉級有機會對維拉，再晉級就同阿仙奴爭入決賽。

至於皇家馬德里就抽到同市嘅馬德里體育會，而拜仁慕尼黑就抽到利華古遜，將進行兩回合打吡戰。

歐聯16強結果：

巴黎聖日耳門對利物浦

布魯日對阿士東維拉

皇家馬德里對馬德里體育會

燕豪芬對阿仙奴

賓菲加對巴塞隆拿

多蒙特對里爾

拜仁慕尼黑對利華古遜

飛燕諾對國際米蘭

冠軍推介方面，擁有王者DNA嘅皇馬，喺附加賽技術性KO超級勁敵曼城，盡顯歐聯專家、遇強愈強嘅特性。隨住新世代球王基利安麥巴比已完全融入，呢支衞冕冠軍嘅戰力相當可靠，目前佢哋奪冠有5倍，絕對值得入手。