巴塞冇錢　尼馬願減薪免費回巢

巴西王牌尼馬近日在山度士重生，穩定上陣機會之下重拾狀態，據報尼馬已被列入巴塞隆拿增兵名單，有機會今個夏天免費回巢。

西班牙傳媒報道，尼馬在山度士上陣6場交出3入球3助攻後，已經重回巴塞增兵範圍，雖然並非首選，但以尼馬嘅名氣同影響力等因素，令佢存在一定回巢機會。

尼馬經理人對於重投巴塞態度積極，表示尼馬可以自由身免費回巢，並願意減薪加盟。

雖然巴塞教練團並不熱衷重簽尼馬，但限於球會財政緊絀，暫時無法排除尼馬回巢嘅可能性。