決賽組合　拜仁做膽射紅軍皇馬

歐聯16強對賽抽完籤後，足智彩「歐聯決賽組合」隨即有得玩，趁早入定貨，考考眼光啦！

上線方面，利物浦、皇家馬德里牌面上肯定係較高嘅兩隊；利物浦目前喺英超甩開阿仙奴13分，封王只係時間問題，現階段可以集中火力爭歐聯，而皇馬踢歐聯則有加乘，擁有王者DNA，兩隊極有機會喺4強碰頭。

因此，下線宜揀選一隊穩膽，再串射利物浦及皇馬。下線8隊當中，拜仁慕尼黑、巴塞隆拿比其餘6隊實力高一大截，考慮到拜仁喺德甲爭冠形勢相對輕鬆，而且近7次對巴塞贏6次，歐聯決賽組合，一於揀10倍嘅「利物浦-拜仁慕尼黑」及11倍「皇家馬德里-拜仁慕尼黑」。