曼聯球迷不滿大爆發　周日搞遊行抗議

曼聯一個球迷發起，準備嚟緊周日聯賽主場對阿仙奴賽前，進行反格拉沙遊行抗議，號召球迷集體着黑衫，同參加葬禮一樣，象徵球會負上巨額債務、管理不善、剝削球衣而步向死亡。

曼聯球迷組織「1958」發布公告，向球會表達不滿，發言人表示：「球會喺我哋眼前逐漸衰亡，不論場內場外，責任都喺班主身上。曼聯正處於慕尼黑空難以來最大危機，呢個亦係我哋組織名字嘅由來，球會正面臨末日，債務係通往毀滅之路。」

「我哋並非看台上一個數字，呼籲球迷企出嚟，星期日加入我哋行列，遊行去球場，抗議格拉沙家族同球會對球迷文化嘅蓄意打壓。」