意甲雙雄齊絕殺　拉素成奪冠大熱門！

歐霸盃16強首回合，意甲雙雄拉素同羅馬都驚險贏波，兩支首都球會不約而同要喺補時階段「絕殺」贏2比1，其中拉素贏波後，更被足智彩升為3.95倍嘅冠軍大熱門！

拉素作客柏辛域陀尼亞，上半場由阿利斯奧羅馬洛尼入波領先，但下半場早段被追平後，更有洛維拿同基葛特先後被逐，點知9人應戰嘅拉素反而喺補時第8分鐘由伊薩辛絕殺，戲劇性贏2比1。

同市鄰居羅馬亦有類似劇本，佢哋主場對畢爾包50分鐘先失，6分鐘後由安祖利奴閃電追平，去到補時3分鐘再由蘇梅洛度夫攻入致勝球，以2比1贏波。

由於16強前被視為大熱門嘅熱刺輸波，足智彩將拉素由5倍轉熱至3.95倍成為冠軍大熱，熱刺仍有5.5倍排第2，羅馬同里昂都係7倍緊隨其後，曼聯就有7.5倍排第5位。