尼敦阿基休戰11周　料提早收咧

曼城中堅尼敦阿基喺上場英足盃對普利茅夫受傷之後，已經接受手術，領隊哥迪奧拿最新透露，呢位荷蘭國腳需要休息10至11星期，意味好大機會無緣今季餘下賽事。

曼城將於周六(8日)晚英超作客諾定咸森林，哥迪奧拿喺賽前記者會上被問到尼敦阿基情況，佢話：「佢嘅傷勢比較嚴重，所以需要做手術，慶幸手術成功，但起碼要等10至11星期先至可以重返球場。」今季英超將於5月25日收爐，尼敦阿基未必可以趕及季尾復出。

除咗尼敦阿基之外，曼城另外2位史東斯、文路爾艾簡治仍在養傷，現時靠魯賓戴亞斯、新兵卡胡辛洛夫扼守中路。