紅魔鬼球迷「太寬容」　艾摩廉受寵若驚

曼聯由魯賓艾摩廉接手執教之後，成績比前主帥坦哈格更差，呢位40歲葡萄牙名帥接受傳媒訪問時表示，唔少紅魔鬼球迷都話佢教得唔錯，自己都感到費解。

魯賓艾摩廉話：「曼聯球迷最經常同我講嘅一句說話就係『你現時做得唔錯』，我都唔明白點解佢哋咁講，但我欣賞佢哋支持球隊嘅方式，即使輸波，仍然對球隊不離不棄。」曼聯近4場聯賽僅1勝1和2負，已跌至第15位，早前衞冕英足盃失敗，表現備受傳媒批評，反而本土球迷比較「寬容」，仍然力撐艾摩廉。

曼聯將於周一(10日)凌晨英超主場對阿仙奴，如果再輸1場，唔知紅魔鬼球迷仲接唔接受得到呢？