曼聯今夏美國集訓　首次參加系列賽

曼聯公布今夏季前熱身賽行程，連續第3年到美國集訓，同以往唔同嘅係首次參加系列賽，將會對韋斯咸、般尼茅夫同愛華頓。

曼聯3場季前熱身賽行程落實，首場7月26日在新澤西洲對韋斯咸，7月30日移師芝加哥對般尼茅夫，最後一場係8月3日在亞特蘭大對愛華頓。曼聯以往季前熱身賽對手係英超Big6或歐洲豪門，但今年季前賽對手全屬英超中型班。

據報曼聯今季英超煞科後將會有亞洲行，5月25日聯賽最後一場對阿士東維拉後，就會拉隊遠赴亞洲，分別到馬來西亞吉隆坡同香港進行兩場表演賽，不過有關行程仍未公布。

曼聯季尾表演賽同季前熱身賽，目的有兩個，首先係練兵，其次係增加收入，季尾兩場表演賽據報可獲800萬鎊(約8,000萬港元)戲金，至於今夏季前系列賽戲金尚未公布，但曼聯官網已開始接受門票預訂。