利華古遜希望繼續　沙比阿朗素未答應

就快到季尾，又係沙比阿朗素抉擇時候，據報利華古遜想佢繼續執教，但沙比未有回應，如果離隊，佢最有機會轉戰西甲，執教皇家馬德里。

西班牙傳媒報道，沙比阿朗素對於來季係咪繼續執教利華古遜，仍然保持沉默，佢現階段唔會對任何人作出承諾，佢去定留，機會都係一半半。

沙比阿朗素同利華古遜有協定，如果3支佢曾效力球隊拜仁慕尼黑、利物浦、皇家馬德里提出斟介，利華古遜必須放人，而佢同利華古遜合約到2026年6月。

利物浦同拜仁慕尼黑今夏並無換帥迹象，最有機會換帥係皇馬，安察洛堤來季未必繼續執教，沙比阿朗素係熱門繼任人選。