艾摩廉遭嫡系拒絕　理由令曼聯尷尬

曼聯今夏希望簽入強力中鋒，改變現狀，但遇上重大阻力，據報主帥魯賓艾摩廉嫡系前鋒約基利斯表明，拒絕隨恩師加盟「紅魔鬼」，理由係該瑞典射手希望加盟有力衝擊聯賽冠軍、同埋擁有歐聯資格嘅球隊，呢兩樣曼聯都欠奉。

葡萄牙傳媒報道，約基利斯今季在士砵亭交出41場40球9助攻嘅超強數據，並且早與士砵亭達成共識，今夏將以8,000萬歐元轉會費離隊(約6.72億港元)，尋求新挑戰。

約基利斯是魯賓艾摩廉嫡系鋒將，約基利斯去年夏天留在士砵亭，都係因為被艾摩廉說服，點知去年10月艾摩廉接受曼聯聘約離隊，留低約基利斯，士砵亭亦一度經歷艱難時刻，最終歐聯出局，近期在葡超成績回穩，保住榜首位置。

約基利斯今夏將逐一研究各隊報價，挑選自己適合球隊，最重要係在所屬聯賽具備奪冠能力，並且喺歐聯有一定份量嘅球隊。