同林福榮好熟　C朗有意收購華倫西亞

C朗將來可能會以另一形式重返西甲，據報呢位葡萄牙巨星有意收購「蝙蝠軍團」華倫西亞，主要資金來自沙特阿拉伯，C朗同華倫西亞班主新加坡富商林榮福相熟，唔係冇機會，不過大前題係華倫西亞今季護級成功。

西班牙傳媒報道，華倫西亞近年出現負債，加上球場重建工程進展緩慢，球隊成績嚴重下滑，曾引發大批球迷示威抗議，要求林榮福下台，當時有球迷借用C朗護髮廣告，寫上標語「讓真正專家帶領球隊重生」。

C朗近年轉戰沙特豪門艾納斯，儼然成為沙特足球代言人，今次傳出收購華倫西亞，背後就有沙特資金支持，華倫西亞現時排西甲14位，同降班區保持6分距離，尚算安全。

C朗同林榮福關係唔錯，過去多次傳出C朗收購華倫西亞，反過來亦傳過華倫西亞有意斟介C朗效力。