阿仙奴帶挈　英超第5位獲下屆歐聯資格

阿仙奴上場歐聯8強首回合以3比0大勝皇馬之後，令英超提早鎖定歐洲賽系數前2位，下屆歐聯獲得多1個席位，意味今季英超前5位球隊，都可以出戰下屆歐聯。

阿仙奴今場勝仗為英超獲得0.286分，根據歐洲賽系數排名，英超積分為24.536，高居各大聯賽之首，並拋離第3位意甲4.35分，肯定排前2位，下屆歐聯可獲得多1個席位，對於原本力爭第4位嘅車路士、紐卡素、曼城絕對係消息。

極端情況下，如果阿仙奴或者阿士東維拉奪得歐聯冠軍，但未能打入英超前5位，加上曼聯或熱刺捧歐霸盃冠軍，但未能打入前5位，下屆歐聯就會出現7支英超球隊。