曼聯兩長老原地升職　約滿後轉任助教

曼聯兩大長老，門將湯希頓及中堅莊尼伊雲斯今夏約滿，據報兩人將會原地升職，轉任助教。

湯希頓下星期將滿39歲，莊尼伊雲斯亦都37歲，兩人去年夏天獲曼聯續約1年，今季已經甚少上陣，湯希頓2021年以來僅上陣3次，莊尼伊雲斯今季亦僅上陣12次，兩人嘅作用更多係維持更衣室穩定。

英國傳媒報道，湯希頓同莊尼伊雲斯都出身於曼聯青訓體系，曾經離隊，到球員晚期重返曼聯，掛靴後留喺卡靈頓中心工作係最適合，之前曼聯就留用約滿嘅菲爾鍾斯，幫助訓練曼聯U18，湯希頓同莊尼伊雲斯轉任教練後，相信會在青訓梯隊幫手。