史奈達指賴斯罰球「吹大咗」：好易射啫！

阿仙奴喺歐聯8強首回合打爆皇家馬德里，射入兩個罰球世界波嘅迪格蘭賴斯被捧上天，不過前皇馬球星史奈達就表示，賴斯嘅罰球係「吹大咗」，直指入波係皇馬排人牆同泰拔高圖爾斯嘅錯誤。

荷蘭名宿史奈達球員時代係死球專家，佢對賴斯兩個罰球就認為係「過譽」：「我唔覺得嗰兩個罰球真係咁精彩，如果你識得射，要射呢啲弧形波係非常容易，我就好清楚，個人牆好有問題。第2個罰球都一樣，高圖爾斯喺賴斯射門前移向右邊，所以佢犯咗錯。」

有趣嘅係，另一荷蘭死球專家、曾效力阿仙奴嘅雲邦賀斯都認同：「史奈達冇講錯，你見到皇馬個人牆排得太過靠左，迪格蘭賴斯要射過人牆就容易好多。」