皇馬瀕出局　麥巴比要求取消PSG歐聯資格

基利安麥巴比日前被近百萬網民取笑，笑佢皇馬瀕臨出局，但佢母會巴黎聖日耳門(PSG)就半隻腳入4強，據報麥巴比律師團隊即刻做嘢，開記者會宣布，為PSG欠薪案上訢到歐洲足協，要求取消PSG下季歐聯資格。

麥巴比同PSG因為拒絕續約問題鬧得極不愉快，最終約滿自由身離隊，PSG連轉會費都收唔到，並鬧出欠薪5,500萬歐元訴訟(約4.84億港元)。

麥巴比律師團隊表示，根據歐洲足協賽例，參加歐洲賽事球隊如果拖欠球員薪金，不會獲發參賽牌照。麥巴比律師團隊已向法國足協發信，要求敦促歐洲足協就PSG上季拖欠麥巴比5,500萬歐元薪金一事展開調查。