曼城雙倍人工挖意甲左閘　祖記焗放人

曼城今年初冬季轉會窗曾經斟介祖雲達斯左閘安達亞甘比亞素，不過唔成功，據報「藍月亮」打算再出手，出雙倍人工挖角，今次祖雲達斯好難再挽留。

意大利傳媒報道，曼城睇中祖雲達斯兩名球員，包括左閘安達亞甘比亞素同門將迪基哥里奧，先講安達亞甘比亞素，曼城今年1月曾提出斟介，當時祖記開價6,000萬鎊(約6億港元)，但未能傾成，今夏曼城再斟介，並願意開出年薪500萬歐元，比佢現時250萬歐元多一倍，祖記好難再拒絕。

曼城亦想簽入門將迪基哥里奧，因為巴西門將艾達臣摩拉斯好大機會去中東挖金，需要另覓門將，迪基哥里奧係最佳人選，不過祖記未必肯放人。