曼聯專注爭歐霸　艾摩廉用小將踢英超

曼聯打入歐霸盃4強之後，領隊賓魯艾摩廉計劃「放棄」今季英超，派出更多年輕球員應付餘下聯賽，留力爭奪歐霸盃錦標，希望一鼓作氣捧盃，以冠軍身份出戰下屆歐聯。

曼聯現時排英超第14位，以前7位奪取下屆歐洲賽資格無望，加上冇降班威脅，所以魯賓艾摩廉權衡輕重後，準備「棄英保歐」，佢話：「無可否認，現時唔係重用年輕球員最佳時機，因為佢哋需要一個穩定環境，但考慮目前情況，必須調整策略，有時候要有驚喜，年輕小將可能會為球隊帶來意想不到嘅活力。」

英國《衞報》指曼聯由周日(20日)晚英超主場對狼隊開始，餘下6場聯賽將重用新星，其中17歲前鋒奧比馬田、18歲左後衞哈利阿馬斯有望擔任正選出戰狼隊。魯賓艾摩廉上個月已提拔5位青年軍球員加入一隊名單，為注入新血做好準備。