大鑊了　哥迪奧拿面臨一項9年尷尬紀錄

曼城將於周六(19日)晚10點英超作客愛華頓，「藍月亮」近2場聯賽作客都冇波入，如果今仗又食白果，就會創下球隊近9年首次連續3場英超作客0入球嘅尷尬紀錄。

曼城前2場英超作客分別0比1不敵諾定咸森林，悶和曼聯0比0，今仗造訪葛迪遜公園球場，要入波亦非易事，因為愛華頓由莫耶斯接手執教之後，防守非常穩陣，上場作客前4位球隊諾定咸森林，更加贏1比0，的確有能力「零封」曼城。

曼城對上1次連續3場英超作客冇波入，已經係2015年12月，當時主帥仲係比歷連尼，換言之，如果「藍月亮」今仗食白果，將會係哥迪奧拿執教9年以來，首次連續3場英超作客0入球。