紐卡素車路士新目標　鬥搶法甲前鋒

紐卡素同車路士爭奪歐聯資格鬥到難分難解，兩大豪門場外又因為搶球員鬥一餐，目標人選係斯特拉斯堡22歲荷蘭前鋒伊美加。

法國傳媒報道，紐卡素正為阿歷山大伊沙克物色代替者，伊美加係理想人選，此子身高1米95，早期在荷甲、比甲及奧地利征戰，近兩季轉投斯特拉斯堡，出任正箭頭，兩季上陣57場入22球，今季至今交出13球2助攻，伊美加亦願意加盟紐卡素，已通知球會今夏離隊。

車路士不但係紐卡素爭奪歐聯資格勁敵，喺爭奪伊美加亦佔有一定優勢，因為斯特拉斯堡同車路士同屬BlueCo 22集團，車路士更向伊美加提供職業生涯規劃，對呢位身價估計2,000萬歐元嘅荷蘭U21國腳相當貼心。