曼聯防線大換血　打包國米雙星

曼聯英超再和1場，成績繼續尋底，據報今夏大換血事在必行，其中後防睇中國際米蘭雙星，荷蘭翼衞杜費斯同德國中堅恩比斯錫，收購2人預算高達1億歐元(約8,800萬港元)。

英國傳媒報道，曼聯除咗中鋒同門將位置要換人之外，中堅同右翼衞都要換血，領隊魯賓艾摩廉對於買入杜費斯同恩比斯錫態度堅決，係今夏陣容改革嘅重要部份。

27歲嘅杜費斯屬於曼聯長期關注目標，早在坦哈格時代已經想買該位荷蘭翼衞，但就遲遲未能實現，今夏曼聯將向國米提出收購，報價4,000萬歐元(約3.52億港元)。

23歲中堅恩比斯錫為德國新星，效力國米2季上陣60場入4球，雖然國米心理價位不高於4,000萬歐元，但曼聯將報價6,000萬歐元(約5.28億港元)。