阿仙奴想簽巴謙迪亞斯　與阿迪達重逢

阿仙奴今季多線作戰之下，陣容厚度不足問題浮現，因此今夏將會擴軍，翼鋒人選睇中皇家馬德里副選巴謙迪亞斯，此子效力曼城時期曾與阿迪達合作，如果順利簽入，兩師徒將在阿仙奴重逢。

巴謙迪亞斯2019年初由曼城轉投皇馬，不過一直都係後備，期間曾外借AC米蘭3個球季，近兩季在皇馬仍然不受重用，而且隨時可以出售，其在《轉會市場》身價為4,500萬歐元(約3.96億港元)。

對於25歲嘅巴謙迪亞斯嚟講，最重係有上陣機會，佢因為西班牙國家隊上陣機會渺茫，2023年初決定轉國籍代表摩洛哥國家隊，所以如果阿仙奴能夠提供穩定上陣機會，而且主帥又係自己恩師之一嘅阿迪達，佢答應轉會機會唔低。