麥比奧莫加盟曼聯？賓福特隊長咁回應

英國《每日電訊報》爆料指曼聯計劃今夏收購賓福特前鋒麥比奧莫，賓福特隊長基斯甸洛加特接受訪問時，認為呢位25歲喀麥隆國腳的確可能離隊，睇來麥比奧莫成「魔」好事近。

盛傳賓福特2位前鋒麥比奧莫、尤尼韋沙都有意今夏走人，基斯甸洛加特對於下季能否繼續同佢哋並肩作戰，感到唔樂觀：「我認為麥比奧莫可能離隊，至於韋沙，就唔太清楚，隊內每個人都希望佢哋留低，無論如何，都為今季成績感到高興，至於麥比奧莫、尤尼韋沙將來去留，我已經有心理準備，發生任何事都會保持冷靜。」

麥比奧莫今季為賓福特上陣39次射入18球及8次助攻，估計身價達5,000萬鎊(約5億港元)。