曼城公布新球衣　基亞利殊有得留隊？

曼城公布下季新主場球衣，盛傳可能今夏離隊嘅中場基亞利殊都有份擔任模特兒，宣傳新波衫，似乎可以繼續留隊。

「藍月亮」新主場球衣設計同今季最大分別，主要多咗一條粗體白色斜間條紋，心口位置贊助商字體由白色轉成黑色，同時刪除原本深藍色圓領，改為同球衣一樣嘅淺藍色。

曼城球員將會着新球衣出戰今夏喺美國舉行嘅世冠盃賽事。