阿仙奴將同沙列巴傾續約　擊退皇馬挖角

根據英國《每日郵報》爆料，阿仙奴即將同中堅威廉沙列巴展開續約談判，希望令西甲豪門皇馬知難而退，唔好再打呢位法國國腳嘅主意。

早前傳出皇馬計劃收購1位中堅，並睇中威廉沙列巴，呢位24歲防線硬漢似乎亦對上「艦」感到興趣，表示加盟皇馬係每個球員夢想。阿仙奴管理層有見及此，準備盡快同威廉沙列巴傾續約，希望用一份長約綁實呢位主力。

威廉沙列巴仍然有2年合約在身，現時周薪達19萬鎊(約190萬港元)，如果兵工廠要說服佢續約，相信需要大幅增加薪酬待遇。