祖記大平賣　熱刺簽塞國神鋒只需1.75億

祖雲達斯與塞爾維亞前鋒杜辛華荷域合約僅餘最後1年，雙方不再續約，祖記為避免人財兩失勢必今夏將其出售，據報熱刺係買家之一，出價2,000萬歐元，獲祖記接受。

杜辛華荷域曾是2022年冬窗「標王」，當年由費倫天拿加盟祖雲達斯，轉會費總額高達8,000萬歐元，祖記希望搵佢取代離隊嘅C朗，杜辛華荷域當然不能與C朗相提並論，佢效力祖記4個球季，共上陣141場射入55球，至今只為祖記贏過2023至24球季意大利盃。

祖記今夏將會重建，出售25歲嘅杜辛華荷域，期望可收回部分資金，同減輕開支壓力，事關呢位塞爾維亞國腳人工超高，周薪達到32萬鎊(約330萬港元)，將來熱刺就算簽佢番嚟，都會同佢傾吓人工問題。