皇馬斟胡積臣好事近　解約金5.19億

今季幾近「四大皆空」嘅皇家馬德里近期動作多多，繼確定右閘阿歷山大阿諾特及主帥沙比阿朗素加盟後，據報般尼茅夫20歲長人中堅甸恩胡積臣亦即將加盟，解約金5,000萬鎊(約5.19億港元)。

多個權威傳媒共同報道，皇馬簽入甸恩胡積臣交易接近完成，5,000萬鎊解約金亦同般尼茅夫達成協議，將分期支付至2027年。

甸恩胡積臣經理人已抵達馬德里，與皇馬進行個人待遇最後討論，甸恩胡積臣本身係西班牙國腳，加盟皇馬係佢第一志願。

對甸恩胡積臣同樣有興趣嘅利物浦，已於24小時前宣布放棄，不過阿仙奴及車路士仍然時刻留意皇馬交易動向，一旦交易出問題，佢哋就會介入斟介。