外借維拉期滿　曼聯標價4.1億出售拉舒福特

由於受傷及迴避條款，外借阿士東維拉嘅拉舒福特，將不會在英超最後兩輪對熱刺及曼聯上陣，亦即表示「福仔」半年外借期結束，今夏將重返曼聯，據報「紅魔鬼」唔會留用拉舒福特，將標價4,000萬鎊(約4.16億港元)出售，維拉並無優先購買權。

英國傳媒報道，維拉外借拉舒福特條款中，包括4,000萬鎊買斷條款，不過此條款並非維拉獨享，而係面向全世界，任何球隊只要支付4,000萬鎊，就可以買走該位27歲英格蘭前鋒。

拉舒福特亦明確表示，不會考慮加盟倫敦球會，並希望來季參加歐聯，據報巴塞隆拿及正力爭歐聯席位嘅維拉都係潛在買家。

曼聯同拉舒福特合約至2028年結束，其周薪高達31.5萬鎊(約320萬港元)，「福仔」表明不接受減薪，如果曼聯成功出售拉舒福特，就要補償拉舒福特嘅人工差價，據估計曼聯要賠償2,000萬鎊(約2.08億港元)，相當於轉會費一半。