基艾沙有望留隊　夏天熱身賽成關鍵

費達歷高基艾沙上年夏天由祖雲達斯轉投利物浦之後，因為受傷及狀態不足，僅於英超上陣41分鐘，盛傳好可能球季結束後離隊。不過，紅軍領隊施洛最新表示，仍然希望留住呢位27歲意大利國腳，將於今夏季前熱身賽協助佢操起狀態。

施洛接受英國傳媒訪問時，指基艾沙喺隊內仍然有未來：「每位球員都有未來，基艾沙狀態一直未達到高峰，但相信之後會愈來愈好，今季畀唔到佢上陣時間，但今夏季前熱身賽會畀機會佢提升狀態，就算我哋擁有沙拿等出色前鋒，但仍然需要足夠人腳輪換。」值得一提，施洛成為利物浦主帥後，唯一簽入嘅球員就係費達歷高基艾沙。

另外，意大利《米蘭體育報》指拿玻里有意借用費達歷高基艾沙，但利物浦傾向直接出售佢。