曼聯好消息　3位猛將有望復出踢歐霸決賽

曼聯將於周四(22日)凌晨歐霸盃決賽對熱刺，根據英國《曼徹斯特晚報》爆料，紅魔鬼3位傷兵，約舒亞舒克斯、達洛治、約羅已接近傷愈，有望復出踢今場大戰。

上述3人之中，以前鋒約舒亞舒克斯回歸最為關鍵，因為另1位射手海倫腳頭無靈，削弱球隊入波能力，約舒亞舒克曾於歐霸盃16強首回合作客皇家蘇斯達，以及8強首回合作客里昂，取得入球，踢呢項賽事表現特別醒神，如果佢可以上陣，應該能夠提升曼聯捧盃機會。

至於兩位後衞達洛治、約羅近日已經復操，相信傷勢冇大礙，值得一提，兩人曾經喺歐霸盃8強入波。