經理人澄清：高普執教羅馬係流料！

德國名帥高普上年離開利物浦後，暫放放下教鞭，出任紅牛足球全球策略主管，不過近日有意大利媒體報道，高普已同意下季執教羅馬，更有球迷認為，羅馬最近一段官方宣傳片，已經作出高普上任嘅暗示！

意大利《新聞報》報道，一直尋找雲尼亞里接班人嘅羅馬，已經同高普達成合作協議，呢位德國名帥夏天會重出江湖執教羅馬，而73歲嘅雲尼亞尼亦有機會「升呢」做球會高級顧問，輔助高普為羅馬重振昔日輝煌。

有趣嘅係，羅馬幕後財團Friedkin Group最近出咗段宣傳片，影片入面有齊羅馬5大地標：羅馬鬥獸場、奧林匹高球場、母狼雕像、聖伯多祿廣場同萬神殿，而每個地標嘅第1個英文字母加埋，正正就係KLOPP(高普)！

不過其後高普經理人澄清有關呢位名帥接手羅馬嘅傳聞，並無此事。