兵不厭詐！「收咧」麥迪臣隨隊踢歐霸盃

熱刺喺歐霸盃決賽前，受到傷兵問題困擾，3個最具創造力嘅中場占士麥迪臣、古路施夫斯基、貝治華分別宣告提早收咧。不過兵不厭詐，熱刺周二(20日)出發去畢爾巴卾，麥迪臣突然出現喺大軍名單，據報有機會神奇復出，令熱刺增添勝算。

麥迪臣喺月初歐霸盃4強傷出後，領隊普斯迪高路證實佢今季提早收咧，不過熱刺周二公開大軍出現去西班牙嘅影片，麥迪臣就出現喺21人大軍當中。據《曼徹斯特晚報》報道，麥迪臣嘅隨隊意味佢已經康復，喺決定可以候命上陣。

另外，喺上場聯賽對阿士東維拉傷出嘅中場柏比沙亞，同樣有份隨隊出征，普斯迪高路透露上場換佢走係「預防性質」，相信傷勢唔太嚴重，可以喺歐霸決賽披甲。