42歲連拿宣布掛靴　意甲煞科戰告別

現效力科木嘅42歲西班牙門將連拿，向傳媒確認今季結束後掛靴，結果26年比賽生涯，嚟緊意甲煞科戰對國際米蘭係佢告別戰。

連拿生涯遍及西甲、德甲、英超同意甲4大聯賽，效力過10支球隊，在利物浦長達8個球季，係佢效力最長球隊，亦曾隨西班牙國家隊贏過2010世界盃及2008及2012年歐國盃。

連拿掛靴後，2010年世界盃西班牙冠軍名單，已經有17人退役，現時只有6人繼續比賽生涯，計有艾比奧爾、沙治奧拉莫斯、查維馬天尼斯、布斯基斯、桑馬達同埋柏度洛迪古斯。